Google ADS

Humb jetën turisti gjerman në Shqipëri

21:40 | 31 Maj 2023
Orgesa Haziri

Një turist me shtetësi gjermane ka humbur jetën në kanionin e Langaricës në Përmet.

Burime nga vendngjarja konfirmojnë për Klan News se shtetasi gjerman, identiteti i të cilit akoma nuk është bërë i ditur, kishte shkuar për të eksploruar kanionin në fjalë.

Po të njëjtat burime, bëjnë me dije se humbja e jetës ka ardhur si pasojë e mbytjes në rrjedhën e Langaricës nga reshjet e  dendura të shiut e për rjedhojë, ka dalë nga shtrati i lumit Langaricë.

Në vendin e quajtur, “Mulliri i Bënjës”, policia ka zbuluar turistin e huaj të pajetë, të cilin e ka transportuar në spitalin e qytetit.

Ndërkaq, rrezikohet edhe jeta e turistëve të tjerë në Langaricë. Policia ndodhet në vendngjarje dhe po punon për shpëtimin e turistëve të tjerë në rrjedhë.

Në vendin e ngjarjes kanë shkuar forcat e shërbimit zjarrfikës të Bashkisë Përmet.

Shpërndaje në rrjete sociale

Lajmet më të lexuara

Të ngjashme

Foto lajm